Free Christian classic ebooks for you to download:
Browse books now

Multilingual Online Bible


Hmar
Type your search text here






Choose a Bible


Select book or range
Chapter


Hmar, Hebrews 1

1   Pathienin kha hma khan zawlneihai hmangin kong hrang hrangin ei pi le puhai kuomah thu voi tam tak a hril hlak a.

2   Tuta hun nuhnunga ruok hin chu eini kuomah Naupain thu a hung hril ta thung a. Ama chu iengkim chunga rohluotuah a ruot a, ama hmangin hnuoi le vĂ n a siem a.

3   Ama chu Pathien ropuina var mawi le a zepui puttu a ni a, iengkim hi a thu thilthawtheina chun a tungding a, suol faina lampui a siem hnungin Chunghnungtak chang tieng khin a hang inthung tah a.

4   VĂ ntirkohai nĂŞka hming chunghnung lem daih hluotu a ni leiin anni nĂŞk daiin a ropui lem a nih.

5   VĂ ntirkohai lai tu kuom am,"Nang chu ka Naupa i nih,Voisun hin i Pä ka ni tah" ti amanih,"A ta dingin Pä nĂ®ng ka ta,Ka ta dingin Naupä nĂ®ng a tih"amanih a ti hlak a?

6   Naulutir ruok chu khawvela a hung tir khan,"Pathien vântirko po poinAma chu chawibiek raw hai se"a tì a ni kha. VĂ ntirkohai chungchang thu a hrilnaa chun,

7   "ThlĂ® hi i tir palai an na,VĂ n meichok i siehlaw an nih"a ta.

8   Naupa thu a hril ruok chun hieng ang hin a ti thung a:"Aw Pathien, i lalthungpha chuKumkhuoin um zing a tih;Indikna lal hmol ngei chu.I ram lal hmol a ni si a;

9   Felna chu i ngaina a,Suol tieng i theida leiin,Pathien, i Pathien ngei chunI ruolhai nĂŞka nasain,Hlimna hriek a nĂ l ta chĂŞ".

10  Chun, hieng ang hin a ti nawk bok a:"A tìrin hnuoi thut i phĂąm a,VĂ nhai khom i kutsuok an nih.

11  Sienkhom la thamral vong an ta,Nang ruok chu um kumkhuong i tih;Puon angin la chul an ta,Silfèn angin la hnawl i ta,An rĂŞngin la bohmang an tih.

12  Nang ruok chu i pangngai zing a,I kumin kin ni nei naw nih."

13  VĂ ntirkohai lai tu kuom am,"Ka chang tieng hin inthung rawh,I hmĂŞlmahai i ke sirsan a,Ka siem hmâ khat chun"a ti hlak a?

14  VĂ ntirko po pohai chu sandamna changtu dinghai rongbawltu dinga tir suok thlarau an ni naw am a ni?


Philemon 1    Choose Book & Chapter    Hebrews 2

Hmar is spoken by 50,000 people in Assam, North Cachar and Cachar districts; Manipur, south, Tipaimukh, Churachandpur, 35 villages; Mizoram, Aizawl, Cachar, North Cachar districts; Tripura.

This Hmar Bible module is completely free of cost. You can use it freely and you can redistribute freely. Please don't make money of this application. Word Of God says "Freely you have received, freely give - Matthew 10:8". Let every one make use of "Word Of God". Courtesy of the Word Of God Team


Licensed to Jesus Fellowship. All Rights reserved. (Script Ver 2.0.2)
© 2002-2021. Powered by BibleDatabase with enhancements from the Jesus Fellowship.