Free Christian classic ebooks for you to download:
Browse books now

Multilingual Online Bible


Hmar
Type your search text here






Choose a Bible


Select book or range
Chapter


Hmar, 1 Samuel 9

1   Benjamin hnama mi pa challang tak el a um a, a hming chu Kisa a na, ama chu Abiel naupa a na, ama chu Zeror naupa a na, ama chu Bekora naupa a na, ama chu Afia naupa a nih.

2   Kisa chun naupa a nei a, a hming chu Saula a nih. Ama chu tlangvĂ l duongkai tha tak el a na, ama tluk hrim Israelhai lai an um naw a, a dung khomin mi a khĂ»m vong a nih.

3   Saula pa Kisa chun a sabengtung ruol an tla hmang leiin a naupa Saula kuomah, "Siehlawhai laia pakhat hi thuoi la, ei sabengtunghai va zong rawh" a ta.

4   Chuongchun, Efraim tlângram le Salisa le a se vel chen an dap vong a, sienkhom an hmu zo naw a. Salim bielah an zong nawk a, sienkhom an hmu nawh. Chu zoah Benjaminhai ramah an zong nawk a, sienkhom an hmu zo chuong nawh.

5   Zufa biel an tlung chun Saulan a siehlaw kuomah, "Thaw rawh, kĂ®r nawk tâng ei tih. Chuong naw chun ka pa'n a sabengtunghai nèk hmanin eini mi lo ngaituo lem rawi a tih" a ta.

6   A siehlaw chun, "Ngai ta, hi khuoa hin Pathien mi a um a, mi inzaum tak a na, a hril taphot chu a hung tlung indik ngei ngei hlak a nih. Thaw ta, a umnaa chun fĂŞng ei ta, ei fèna ding tieng khom mi hril thei rawi naw nim" a ta.

7   Saula chun a siehlaw kuomah, "An leh, ei fe ding chun iem a na ei chawipèk hrim hrim ding? Ei bu chawi hlak ei fâk zo ta si. Pathien mi kuoma thilpĂŞk chawi ding ei nei dĂŞr naw a nih. Iem nei ei nei hrim hrim a?" a ta.

8   Siehlaw chun, "Tangka shekel hmun lia thea hmun khat chu ka la kol a, chu chu ei fèna ding a mi hril manah Pathien mi chu pe el ei tih" a ta.

9   (Kha hma khan chu Israel mihai laia miin Pathien rawn an nuom changin, "Thaw ro, hmutheitu kuomah fèng ei tiu" an ti hlak a; tu laia 'zawlnei' an ti hlak hi 'hmutheitu' an ti hlak a nih.)

10  Saula chun a siehlaw kuomah, "A tha hlauh a ni chu, fĂŞng ei tih" a ta. Chuongchun, Pathien mi umna khuo tieng pan chun an inthok suok a.

11  Khuo an pan tung lai chun tui chawia hung nunghĂ k ruol an hmu a, "Hi taka hin hmutheitu a um?" tiin an indon a.

12  Anni chun, "Um e. In hma ela khan a fe. Inhmaw unla, hmun sângah mipuiin inthawina an nei ding a ni leiin kan khuoah voisun hin a hung vak a nih.

13  Khuo in lĂ»t charin, hmun sânga bu fâka a fe hmain ama chu hmu el in tih. An inthawina malsawmna hriltu ding a ni leiin, a tlung hma chun tu khomin bu fa naw ni hai, chu zoah fielhai chun bu an fâk chauh hlak a nih. Chuleiin, fe unla, hang nang el in tih" an ta.

14  Chuongchun, khuo chu an pan tung a, an lĂ»t chun hmun sânga fe ding Samuel chu an hang nang a.

15  Saula hung hma ni khata chun LALPAN Samuel kuomah hieng ang hin thu a puong a:

16  "Hieng tik huna hin zingah Benjamin rama inthokin tlangvĂ l pakhat i kuomah hung tir ka ta, ka mi Israelhai chunga hotu dingin hriek lo nâl rawh. Ama chun Filistinhai kuta inthokin ka mihai san suok a tih. An khèk ri chun ka kuom a hung tlung tah leiin anni chu ka ngaisak a nih" tiin.

17  Samuelin Saula a hmu char chun LALPAN a kuomah, "En ta, i kuoma ka hril pa kha; ama hin ka mihai chungah ro rèl a tih" a ta.

18  Chuongchun, Saula chun kul kotkhĂ ra ngĂ®r Samuel chu a va hnai a, "Hmutheitu in chu khaw lai am a um ti mi hril raw khai" a ta.

19  Samuel chun, "Keima hi hmutheitu chu ka nih. Ka hmaah fein hmun sâng tieng khi pan la, voisun hin ka kuomah bu i fâk ding a nih. ZĂ®ngah infetir chauh ka ti che a, i thil hriet nuom po po khom hril vong ka ti che.

20  I sabengtung, ni thum inhmang tah khom chu lungkham naw rawh, an hmu tah. Israelhai mamaw tak tu am a na? Nang le i pa sĂ»nghai hi in ni naw am a ni?" a ta.

21  Saula chun, "Israel pahnamhai laia hnam chĂ®n tak Benjamin hnama mi ka ni a, Benjamin pahnam sĂ»nga khom a chĂ®n tak kan nih. Iengti leia hieng thil hi ka kuomah i hril am a na?" a ta.

22  Samuel chun Saula le a siehlaw chu a thuoi a, mikhuol pindana chun a thuoi lĂ»t a, an mi fiel sawmthumhai lai chun thungna poimaw takah a'n thungtir a.

23  Samuel chun bu suongtu kuomah, "Sie hran dinga ka pĂŞk che satlang kha tu hin hung la rawh" a ta.

24  Thlai suongtu chun a mal le an thil buotsai danghai chu a hung lâk a, Saula hmaa chun a sie a, Samuel chun, "En ta, hi huna i ta dinga sa ka lo sie hranpĂŞk che chu a nih. Ka mikhuolhai ruol hin kìlin fa rawh" a ta. Chu ni chun Saula chu Samuel leh thlaithlèng an kìl tlâng ta a.

25  Inthawina hmun sânga inthoka khuoa an fe thlâk hnung chun Samuelin Saula chu in chung zawlah a'n biekpui a.

26  ZĂ®ngkĂ r inhma takin an tho a, Samuel chun Saula chu in chung zawlah a ko tung a, "In siem zo la, infetir tâng ka ti che" a ta. Saula a'n siem zo chun Samuel leh an suok tlĂ ng a.

27  Kotsuo an tlung chun Samuelin Saula kuomah, "Siehlaw hi ei hmaa lo fe dingin hril rawh. Nang ruok chu hi taka hin la ngĂ®r phot la, Pathiena inthoka ka thu dong chu ka hril ding che a nih" a ta, siehlaw chu a lo fe hmasa a.


1 Samuel 8    Choose Book & Chapter    1 Samuel 10

Hmar is spoken by 50,000 people in Assam, North Cachar and Cachar districts; Manipur, south, Tipaimukh, Churachandpur, 35 villages; Mizoram, Aizawl, Cachar, North Cachar districts; Tripura.

This Hmar Bible module is completely free of cost. You can use it freely and you can redistribute freely. Please don't make money of this application. Word Of God says "Freely you have received, freely give - Matthew 10:8". Let every one make use of "Word Of God". Courtesy of the Word Of God Team


Licensed to Jesus Fellowship. All Rights reserved. (Script Ver 2.0.2)
© 2002-2021. Powered by BibleDatabase with enhancements from the Jesus Fellowship.